الواحد من دول يصحي الساعة اربعة العصر
يقوم جعان (كالعادة يعني)
يقوم يلاقي مامته بتحضر الاكل
يقوم يزعق انا جعان و مامته تقوله اسكت بابا زمانه جاي هيزعقلك مفيش فايدة و يفضل يزعق لحد ما يلاقي باباه في وشه يسكت زي ال.....................
يقعد الجعان علشان يأكل
يلاقي الاكل مش عاجبه يسيب السفرة و يقوم للنت
يقعد يكلم نادين و وراها سها و بعدين سارة
كل ده و هو بيحب واحده زميلته في الكليه
اه بمناسبة الكليه
هو طنشها النهاردة
هو كمان واهم بنت الجيران اللي قصادهم انه بيموت فيها
و بعد كده يقف يكلم بنت الجيران شوية
و بعديها يدخل يلبس و تدخل عليه اخته الصغيرة و هو ادام المرايا تقوله (انت نازل؟)
يقولها و انت مالك
هي طبعا مش هتسكت
تقوله ايه
تحب اقول لبابا ان مصروفك بيخلص علي السجاير
و يروح ده قايلها ايه
اه يا اختي يا حبيبتي نازل و هجيبلك شيكولاتة و ان راجع
ينزل يقابل صاحبته اللي في الجامعة
و يسهر علي الكافيه الجديد
و هو و اصحابه يلفوا يعاكسوا البنات شوية
طبعا راجع البيت الساعة 2 بعد نص الليل
هينام؟؟؟
لا طبعا عيب ينام دلوقتي زي العيال لسا بدري يقوم يقعد ادام mbc action يتفرج شوية علي الاكشن
و بعدين يقوم يقعد علي النت علشان يدخل علي الشات و بعدين يدخل ينام
يدوب الساعة 7 الصبح
و طبعا هيطنش الجامعة النهاردة كمان
هو ده بقي شباب المستقبل بتاع اليومين دول